ចោរប្រដាប់អាវុធស្ទាក់ប្លន់អាជីវករលក់មាសនៅជិតផ្សារស្នួលយកប្លាកទីនជាង១០០តម្លឹង
11-July-2016 | ដោយ មែន កំសត់
ក្រចេះ៖ប្រភពបានរាយការណ៍ថាមានករណីប្លន់ប្រដាប់អាវុធនៅចំណុចផ្លូវចូលវត្ថផ្សារស្នួលស្ថិតក្នុងភូមិក្បាលស្នួលឃុំស្នួលស្រុកស្នួលខេត្តក្រចេះយកប្លាកទីនជាង១០០តម្លឹងកាលពី រសៀលថ្ងៃទី៩ខែកក្តដាឆ្នាំ២០១៦។
អំពើប្លន់នោះបង្កដោយជន មិនស្គាល់អត្តសញ្ញាណមានគ្នាបីនាក់ជិះម៉ូតូសង់ព៌ណខ្មៅប្រដាប់ ដោយអាវុធ ខ្លីមួយដើមមិនស្គាល់ម៉ាក បានស្ទាក់គំរាមបាញ់សម្លុតយក ទ្រព្យសម្បត្តិពីជនរងគ្រោះឈ្មោះញ៉ឹបវិបុល ភេទប្រុស អាយុ៣៤ឆ្នាំ មានទីលំនៅភូមិឃុំកើតហេតុខាងលើ។ខណ:ពេលត្រលប់មកពីលក់ដូរ(លក់ មាសនៅផ្សារស្នួលពេលត្រលប់មកផ្ទះវិញ)។
ប្រភពបានបន្តថា សម្ភារ:ដែលចោរបានប្លន់យកទៅមានមាស៧ជីប្លាទីនខ្មែរប្រហែលជាង ១០០តំឡឹងប្លាទីនវៀតណាមប្រហែល១៣តំឡឹងប្រាក់ដុល្លារ២០០ដុល្លារ។ ក្រោយធ្វើសកម្មភាពហើយ ជនល្មើសក៍ជិះម៉ូតូគេច ខ្លួនបាត់ ។ បច្ចុប្បន្ន សមត្ថកិច្ចកំពុងស្រាវជ្រាវតាមរក មុខសញ្ញាចោរប្លន់នោះ៕
ចំនួនអ្នកទស្សនា
- ថ្ងៃនេះ241
- ម្សិលមិញ12101
- សប្តាហ៍នេះ12351
- ខែនេះ127501
- ឆ្នាំនេះ127501
- សរុប20569957